Bildirishnoma turlari va sozlamalar
Yangi buyurtma, bekor qilish, kam qoldiq va hisobotlar — hamda ularni qayerda sozlash.
Bildirishnomalar nima?
Daromadchi muhim hodisalar haqida xabar beradi. Bildirishnomalar ikki joyda ko'rinadi: Telegram bot orqali va ilova ichida (yuqori paneldagi qo'ng'iroq belgisi → Bildirishnomalar sahifasi).
Telegram bildirishnomalari
🛒 Yangi buyurtmalar
Har sinxronizatsiyada topilgan yangi buyurtmalar bitta xabarga jamlanadi: qaysi marketplace, qaysi mahsulot, nechta dona.
❌ Bekor qilingan buyurtmalar
Buyurtma bekor qilinganda alohida xabar keladi — u yangi buyurtmalar xabariga qo'shilmaydi. Sababi oddiy: "yig'ing va jo'nating" va "jo'natmang" — bir-biriga qarama-qarshi ko'rsatmalar, ularni bitta xabarga qo'shish esa bekor qilishni e'tibordan chetda qoldirishning eng oson yo'li.
Har bir buyurtma uchun bekor qilish xabari faqat bir marta yuboriladi, sinxronizatsiya necha marta ishga tushishidan qat'i nazar. Bekor qilingan buyurtmalar hisobotlarda tushumdan chiqariladi.
📦 Kam qoldiq
Mahsulot qoldig'i belgilangan chegaradan past tushganda. Bir jismoniy mahsulot bo'yicha bitta qator beriladi — bir xil tovar bir necha listingda bo'lsa ham.
🔄 Qoldiq sinxronizatsiyasi
Bir marketplace'da sotilgan tovar boshqasida ham kamayganda (do'kon uchun «Ostatok sinxronizatsiyasi» rejimi yoqilgan bo'lsa) — nima o'zgargani va natija haqida xabar.
📊 Kunlik hisobot
Har kuni siz tanlagan vaqtda: tushum, buyurtmalar, foyda, komissiya, bekor qilinganlar, kategoriyalar bo'yicha taqsimot.
📈 Haftalik hisobot
Xuddi shunday, lekin hafta bo'yicha. Standart holatda o'chirilgan.
Telegram bildirishnomalarini sozlash
Sozlamalar botning o'zida turadi — dashboard'da emas:
- Telegram'da botga /start yozing
- Bot menyusidan bildirishnoma sozlamalarini oching
- Har bir turni ✅ / ❌ tugmasi bilan yoqing yoki o'chiring:
📦 Kam qoldiq · 📊 Kunlik hisobot · 🛒 Yangi buyurtmalar · 📈 Haftalik hisobot
- Kunlik hisobot vaqtini tanlang
Ilova ichidagi bildirishnomalar
Dashboard → Bildirishnomalar sahifasida kam qoldiq ogohlantirishlari va yangi buyurtmalar ro'yxati ko'rinadi. Sahifani ochish qo'ng'iroq belgisidagi hisoblagichni tozalaydi.
Qoldiq o'zgarishi haqidagi xabarni ilova ichida va/yoki Telegram'da olishni Dashboard → Ogohlantirishlar sahifasidagi ikki tugma orqali tanlaysiz.
Bu maqola foydali bo'ldimi?